Chuo Kikuu cha Dodoma Leo tarehe 29 Oktoba 2024 kimeingia makubaliano ya ushirikiano na Chuo Kikuu cha Samara cha Urusi; Katika masuala ya Ufundishaji, Utafiti na usimamizi wa wanafunzi.

Hati ya Mashirikiano imesainiwa leo katika hafla fupi ya uliaji saini iliyofanyika katika Jumba la Utamaduni wa Urusi lililopo jijini Dar es Salaam, na kushuhudiwa na wajumbe wa pande zote mbili.

Utiaji saini huo umefanywa na Makamu Mkuu wa Chuo Kikuu cha Dodoma, Prof. Lughano Kusiluka na Prof. Anna Zotova, Naibu Makamu Mkuu wa Chuo Kikuu cha Samara anayeshughulikia Mashirikiano ya Kimataifa.

Makubaliano hayo yamelenga kushirikiana katika maeneo mbalimbali ikiwemo kubadilishana wanafunzi na wafanyakazi, kuendesha makongamano ya kitaaluma pamoja, machapisho, pamoja na kuanzisha programu mpya za pamoja.

Comments